Tessin 2002
< Zurück | Übersicht | Weiter >
Tauchweekend im Tessin 1. und 2. Juni 2002
Bereits am Fritig si die meischte Teilnehmer vom TGH Touchweekend i
ds Tessin abegreist.
Am Samschtig am halbi Nüni am Morge si die letschte vier derzue
gstosse. Treffpunkt isch ds Motel Lago Maggiore in Riazzino gsi.
Samschtig
Bi allne het me e chlini Nervosität gspürt, alli hei grätslet,
wenn äch d Sunne i d Canobia schiene wird.
Mer isch sich nid so einig gsi, drum isch me bald ufbroche. Nach ere
churze Wegbeschribig het sich dr ganz Konvoi Richtig Italienischi Grenze
verschobe. Bi dr St. Anna Church in Canobio hei mir üs usgrüschtet.
Denn hei mir no e längere Marsch a ds Wasser abe vor üs gha.
Voll usgrüschtet, Teil sogar mit Schnorchel und Messer...J, isch
es losgange. Schöni Felsformatione, es tots Reh und e toti Chrot,
aber ou läbegi Chröt, Trüsche und Bachforelle hei mir
gseh.
Nachem Touchgang si mir zrügg i d Schwiz gfahre zum grosse Sandstrand
nach Ponte Brolla a dr Maggia. Dert hei üs dr Chrigu und Carla
mit emene feine Picknick verwöhnt. Nachem Sünnele si mir sogar
i ds 12 Grad Celsius chalte Wasser ga bade und ga Felsegumpe, oder so
ähnlich...J. Dr Touchgang am Namittag isch sehr impossant gsi,
u astrengend. Zwüschedüre het me recht müesse gäge
d Strömig akämpfe. Dert hei mir Nase und Barbe gseh.
Maggia
Am Abe hei mir in Losone guet gässe und dert isch de ou no dr
letscht Teilnehmer zu üs gstosse.
Scho gli si mir de zrügg zum Hotel, will mir dr Nachttouchplatz
nid gfunde hei.
Nachtessen im Grotto
Sunntig
Nachem feine Zmorge si mir alli i ds Verzascatal gfahre nach Lavertezzo.
Im Amslerbecki hei mir eine
oder zwe Touchgäng gmacht. Es isch üs vorcho wie im Aquarium,
so klar isch ds Wasser gsi.
Überbleit si mir am Bode na toucht, damit mir nid eso hert hei
müesse gäge d Strömig akämpfe.
E toti Ringelnatter, einegi Fisch, aber derfür e u schöni
Unterwasserlandschaft mit verwäschene Felse
u glitzeregi Steine hei mir chönne aluege.
Ds Zmittag hei mir ir Pizzeria bir Posse gnosse. A dr Verzasca uf de
Felse hei mir denn ds
Wuchenend no chli la usklinge, bevor mir üs ufne länge Heiweg
mit Stou gmacht hei.
Zrügg blibe wunderschöni Erinnerige, a nes bsunderigs Wuchend mit super Lüt, troumhafte Touchgäng und neue Erfahrige bim Flusstouche. Vile Dank nomal a Chrigu und d Carla für d Organisation!
Verzasca
Cool und lässig esch tauche im Tessin!
Barbara